ಕೊರಟಗೆರೆ ಪಟ್ಟಣ ಪಂಚಾಯತ್‌ನಲ್ಲಿ ಮಂಜುಳ ಸತ್ಯನಾರಾಯಣ ರವರ ರಾಜಿನಾಮೆಯಿಂದ ತೆರವಾಗಿದ್ದ ಅಧ್ಯಕ್ಷ ಸ್ಥಾನಕ್ಕೆ ಮೊದಲನೇ ವಾರ್ಡಿನ ಸದಸ್ಯರಾದ ಕಾವ್ಯಶ್ರೀ ರಮೇಶ್ ಅವಿರೋಧವಾಗಿ ಆಯ್ಕೆಯಾದರು.
ನಾಮಪತ್ರ ಏಕೈಕ ಅಭ್ಯರ್ಥಿ ಕಾವ್ಯಶ್ರೀ ರಮೇಶ್ ಆಗಿದ್ದು ಜೆಡಿಎಸ್ ಸದಸ್ಯನಾರಾಯಣ್ ಸೂಚಕರಾಗಿದ್ದರು.ಬಿ.ಜೆ.ಪಿ ಸದಸ್ಯ ಪ್ರದೀಪ್ ಕುಮಾರ್ ಹಾಗೂ ಪಕ್ಷೇತರ ಸದಸ್ಯ ನಟರಾಜುರವರುಗಳ ಪಾತ್ರ ಕಾವ್ಯಶ್ರೀ ಅವಿರೋಧವಾಗಿ ಆಯ್ಕೆಯಾಗಲು ಪ್ರಮುಖವಾಗಿ ಕಾಣುತ್ತಿತ್ತು, ಅದೇಕೊ ತುಸು ಮಂಕಾಗಿದ್ದ ಚುನಾವಣೆ ಕಣ ಕಾಂಗ್ರೆಸ್ ಸದಸ್ಯರು ಇಲ್ಲದಿರುವುದು ಎದ್ದು ತೋರಿಸುವಂತಿತ್ತು, ಮಾಜಿ ಶಾಸಕ ಪಿ ಆರ್ ಸುಧಾಕರ್ ಲಾಲ್, ಜೆಡಿಎಸ್ ಕಾರ್ಯಾಧ್ಯಕ್ಷ ರಸಿಂಹರಾಜು,ಚುನಾವಣಾಧಿಕಾರಿಯಾಗಿ ತಹಶೀಲ್ದಾರ್ ನಹಿದ ಜಂ ಜಂ, ಪಟ್ಟಣ ಪಂಚಾಯಿತಿ ಮುಖ್ಯ ಅಧಿಕಾರಿ ಲಕ್ಷಣ ಕುಮಾರ್, ಸದಸ್ಯರಾದ ಪುಟ್ಟ ನರಸಪ್ಪ,ಅನಿತಾ, ಸೇರಿದಂತೆ ಹಲವು ಜೆಡಿಎಸ್ ಮುಖಂಡರುಗಳು ಹಾಜರಿದ್ದರು.